MS EXCEL  е алатка која успешно се применува во сите индустрии. Се користи за табеларно организирање на податоците, кои потоа лесно се обработуваат и анализираат за да се креираат извештаи врз основа на кои компаниите донесуваат различни деловни одлуки. Оттука е и важноста во секоја компанија да се користат MS EXCEL алатките и вработените наместо рачно да внесуваат податоци, да научат тоа да го прават на полесен и професионален начин и да ја избегнат можноста од несакани грешки.

Курсот е прилагоден за основно ниво каде низ практични примери и самостојно работење ќе ги совладате и ќе научите да ги  применувате основните excel функции, како што се работа со формули и функции, создавање на табели и листи, работа со податоци и напредни алатки за поефикасно работење.

По завршувањето на курсот за MS Excel, ќе се стекнете со практично знаење применливо во пракса, ќе ви помогне во автоматизирањето на работата, брзо и точно процесирање на податоците, создавање на прецезни информативни табели и листи, како и решавање на комплексни пресметки.

ПРОГРАМА

Предавач на курсот:
Проф.д-р Зоран Ивановски, редовен професор на Eкономскиот факултет при Универзитетот за туризам и менаџмент во Скопје, реномиран регионален стручњак од областа на финансискиот менаџмент и предавач со долгогодишно искуство во земјата и странство. Во својата долгогодишна универзитетска кариера бил на раководни факултетски и универзитетски позиции како Ректор на Европскиот универзитет – Република Македонија, Проректор на Европскиот универзитет – Република Македонија и Универзитетот за туризам и менаџмент во Скопје, декан на Економски факултет при Европскиот универзитет – Република Македонија, визитинг професор на Универзитетот на Југоисточна Европа во Тетово, Универзитетот “Свети Апостол Павле“ во Охрид и на Економскиот факултет на Универзитетот во Валенсија, Шпанија. Покрај универзитетската кариера предава на обуките за брокери и за инвестициски советници организирани од Комисијата за хартии од вредност на Република Македонија. Успешно раководи со првата бизнис клиника во нашата земја “Business Clinic DB”. Повеќе од 20 години реализира обуки за бизнис секторот во земјата и во странство. Автор е на голем број универзитетски учебници и научни трудови објавени во списанија индексирани во реномирани бази на податоци.