Стопанската комора на Северна Македонија на 27 јуни 2023 година (вторник) организира еднодневен „он-лајн“ семинар на тема: УПРАВУВАЊЕ СО НАБАВКИТЕ И ВЕШТИНИ ЗА ПРЕГОВАРАЊЕ. 
 

Цел на семинарот:
    
 Целта на семинарот е запознавање на учесниците на семинарот со управувањето со процесот на набавка, учесниците во набавките - купувачите, добавувачите, интерната комуникација во организацијата - набавка - нарачател, комуникација со добавувачите, приоритети кај набавките, WIN-WIN стратегија, стратешко поврзување со добавувачите, оценување на добавувачите - критериуми за оценување.

За кого е наменет семинарот?

За сите вработени кои се вклучени во управување со процесот на набавка - раководители на набавки, менаџери на набавки и останатите кои се занимаваат со логистичка работа во организацијата (набавки, магацинско работење, транспорт).

ПРОГРАМА

1.    Поим и значење на процесот на набавки;
2.    Цели и задачи на процесот на набавки;
3.    Анализа на содржината на самиот процес на набавка во една организација - SWOT анализа во процесот на набавка;
4.    Препознавање на релевантните заинтересирани страни во процесот на набавка - идентификација на заинтересираните страни и нивните очекувања, како и нивното влијание во процесот на набавки;
5.    Ризици при набавките;
6.    Организација на службите за набавка во организацијата - вработени во службите за набавка;
7.    Работна политика на набавките;
8.    Планирање на набавките:
              - усогласување на критериумите за набака со нарачателите (производство, малопродажба, сервис) со акцент на дефинирање на критериумите за квалитет;
9.     Методи и канали на набавка:
               - преговарање во тек на набавката на производи и услуги;
10.    Трошоци за набавките;
11.    Евиденција на набавките;
12.    Анализа на набавките.

Предавач: 

- Игор Ќика, дипломиран инженер по менаџмент и консултант за  менаџерски системи,  директор на PDCA KONSALTING, ДОО Нови Сад, водечки стручен консултант за проектирање и имплементација на ISO 9001:2015; ISO 14001:2015; ISO/IEC 27001:2013; ISO 20000-1:2018; ISO 22301:2012; ISO 31000:2018; ISO 37001:2016, GDPR во повеќе организации во Србија, Црна Гора и БИХ, воедно и менаџер за проценка на ризик во работењето на основа на ISO 31000. Поседува 15 годишно искуство како директор на логистика во различни организации (Застава промет Сомбор – автомобилска индустрија), Генел – бренд Хаусел и застапник на Elektrolux, Zannusi, Indesit уреди за Србија, STAV – овластен дистрибутер Samsung за Србија и Црна Гора.

Работен јазик: српски

За сите учесници на „он-лајн“ семинарот ќе биде обезбедено:

- Линк за приклучување и упатства за приклучување на „онлајн“- семинарот преку платформата Webex Cisko;
- Електронски работен материјал; 
- Електронски сертификат за присуство на семинарот.

Рок за пријавување: 22.6.2023 година.