Стопанската комора на Северна Македонија во соработка со „Joudy Group International„, Ве покануваат да земете учество на претстојната купувачка мисија и посета на 16. Меѓународен саем за преработка на храна и технологии во прехранбената индустрија- „FOTEG ISTANBUL 2023“. 

Купувачката мисија е наменета за компании што се занимаваат со производство на:

• газирани и негазирани пијалоци;
• млеко и млечни производи;
• месни производи;
• конзервирана храна;
• мешунки, овошје и зеленчук, 

како и комапнии кои се дел од:

• синџирите за снабдување;
• складирање и дистрибуција;
• пакување (печатње, етикетирање и др);
• автоматизација и контрола во прехранбениот сектор.

Во рамките на овие купувачки мисии планиранo е  и остварување на билатерални средби со турски компании – извозници, на база на однапред договорени средби (matchmaking). Работен јазик е англиски.

Во купувачката мисија можат да учествуваат компании кои се заинтересирани за увоз и директна соработка со Туркије и кои претходно не учествувале во ваква мисија.

Стопанската комора на Северна Македонија на учесниците им обезбедува:

• бесплатно хотелско сместување- 2 ноќевања (6-8 јули) во хотел со 5* (Gorrion Hotel Istanbul)
• трансфер ( хотел - саем - хотел )
• влезници за саемската манифестација

Услови за регистрација:

• 1 претставник од компанија
• пополнет формулар за пријава доставен пред рокот за пријавуавање (15.6.2023)
• приложена копија од резервација на авионски билет како потврда за регистрација

За користење на оваа можност, заинтересираните македонски компании  неопходно е да го пополнат пријавниот лист и формуларот, дадени во прилог и да ги достават до лицето за контакт најдоцна до 15.6.2023.   

Во прилог:
- Пријавен лист;
- Формулар за пријава на учество.