Стопанската комора на Северна Македонија продолжува со организација на бесплатните предавања за компаниите со цел поголема популаризација и афирмација на предностите од користењето на медијацијата во нашата држава. Во услови на нарушена ликвидност на компаниите, а со цел рационализација на нивните трошоци, зачувување на добрите деловни односи со партнерите и поголема предвидливост на настаните во следниот период, како една од најповолните алатки за решавање на сегашен или иден спор на компаниите, особено се препорачува користењето на медијацијата. Стопанската комора на Северна Македонија, за популаризација и афирмација на медијацијата, институционално е поддржана од Меѓународната финансиска корпорација ИФЦ – групација на Светска банка. Бесплатните предавања за бизнис заедницата ќе продолжат да се реализираат на 25, 26 и 27 април 2023 година во Кичево, Скопје и Битола.
    Во тој контекст, првото бесплатно предавање на Стопанската комора на Северна Македонија и на Меѓународната финансиска корпорација (ИФЦ) на тема: Предизвици и изнаоѓање нови алатки и можности за поддршка на фирмите-рани знаци на предупредување за настанување на инсолвентност и користење на медијацијата во решавање на стопанските спорови,  ќе се одржи во Стопанската комора на Северна Македонија на 26 април 2023 година (среда) во голема сала на 5 кат од 11.00 до 14.00 часот.

Предавачи: 
-    Д-р Јелисавета Георгиева-Јовевска, Потпретседател на Стопанската комора на Северна Македонија, Национален координатор за медијација;
-    М-р Милена Тадировиќ, директор на Центарот за конструктивно решавање на споровите, Србија;
-    Проф.д-р Мирослав Кнежевиќ, консултант на ИФЦ и
-    Дејан Костовски, правен консултант во проектот на Меѓународна Финансиска Корпорација, групација на Светска Банка – „ Решавање на долгови и деловен излез во Република Северна Македонија“.
 

ЦЕЛНА ГРУПА: менаџери на компании, раководители на правен сектор, раководители на финансиски сектор, раководители на сектор за човечки ресурси и останати занитересирани кои сакаат да се запознаат со дадената проблематика која е тема на предавањето.

Учеството на предавањето е бесплатно и задолжително е пријавување за настанот најдоцна до 21 април 2023 година, со цел професинална организација на настанот.
Контакт лице за пријавување: Елизабета Андриевска-Ефтимова, тел. 023244074, e-mail:beti@mchamber.mk

Во Прилог Ви доставуваме Агенда за настанот.