Како резултат на повеќегодишни успешни активности во областа на имплементација на системи за управување со квалитет согласно меѓународниот стандард ISO 9001, во рамките на Стопанската комора на Македонија во 2000 година е формиран Центар за унапредување на квалитет во производството и услугите.
Активностите отпочнаа како техничка помош од Владата на Велика Британија и Know How Fund, во соработка со Bywater plc. како консултантска куќа. Освен реализирање на Проектот насловен како „ Воведување ISO 9001 во македонското стопанство " во одреден број на фирми, друга бенефиција беше и обуката на консултанти и водечки проверувачи од Стопанската комора на Македонија.
Знаењето и стекнатото искуство на горенаведените експерти согласно британската методологија, овозможија успешно имплементирање на ISO 9001 стандардот во производството и услугите во изминатиот период.
Стопанската комора на Македонија, сакајќи целосно да ги комплетира активностите и со сертификација на системите за управување со квалитет, оствари контакти со реномираната сертификациона куќа BSI (British Standards Institution), која со своите експерти ја вршеше сертификацијата.
Со британските експерти активно беа вклучувани и домашните главни проверувачи, што се оцени како голема придобивка во стекнување на компетентност во таа област преку реализирање на одреден број обуки (теоретски и практични).
Центарот за квалитет не останa само на давање на горенаведените услуги.
Следејќи ги актуелните трендови насочени кон заштитата на животната средина, стандардот ISO 14001 или системот за управување со животната средина, е се позначаен и го претставува влијанието на организацијата или компанијата на и кон животната средина. Со помош на Центарот за квалитет, имплементацијата на ISO 14001 утврдува кој од работните процеси во компанијата ја загадува животната средина, ги одредува реалните цели и воведува неопходни мерки за остварување на истите.
Центарот за квалитет дава и консултации за воведување на HACCP-системи (системи за идентификација, евалуација и контрола на опасностите од значење за безбедноста на храната) применливи за прехранбената индустрија, а како сублимат на барањата од ISO 9001 и HACCP, помага во имплементација и на стандардот ISO 22000, кој укажува на еден генерален пристап во системот за управување со безбедна храна.
Бидејќи на потрошувачите се повеќе им се важни квалитетот и безбедноста на прехранбените производи, прехранбената индустрија постави високи барања во однос на тоа. Денес во светот постојат бројни стандарди и норми со чие имплементирање и одобрување од страна на надлежните органи, се докажува квалитетот и безбедноста на производите. Едно од се поприсутните барања во прехранбената индустрија е и HALAL-стандардот кој зазема се поголем удел на меѓународно ниво. Центарот за квалитет има ресурс, овластен од страна на Агенцијата за сертифицирање на HALAL, за имплементација и на овој стандард.
Динамиката на работењето бара проактивен пристап кон заштитата на здравјето и безбедноста на вработените за време на работата, кој ќе ги идентификува евентуалните ризици, ќе ги отклони истите или со превентивното делување ќе ја намали веројатноста за нивната појава на прифатливо ниво. Бизнис глобализацијата носи потреба од креирање рамка за формирање на систем за заштита, кој со верификација од страна на овластени сертификациони тела, ќе биде меѓународно прифатлив, односно ќе прати порака на вработените, клиентите и бизнис партнерите од други поднебја, дека во компанијата се управува со ризиците по здравје и безбедност на вработените на ефикасен и меѓународно верификуван начин.
Токму со прашањата за ова ефективно и ефикасно управување со ризиците по здравје и безбедност на вработените, се бави стандардот ISO 45001, кој истотака е дел од услугите што ги дава Центарот за квалитет.
Имплементирање на менаџмент системи: - ISO 9001 - ISO 14001 - ISO 22000 - ISO 45001 - HACCP - HALAL
Што е ISO 9001?
ISO 9001 е најпозната меѓународна норма која поставува барања за воспоставување и одржување на системот за управување со квалитет, а е применлива за сите видови на организации(профитни/непрофитни, производни/услужни, мали /средни/големи).
Ги опфаќа основните процеси внатре во организацијата (продажба, развој, набавка, производство/услуги, итн) обезбедувајќи дека низ дадените активности тие процеси се водени во контролирани услови, и како такви ги задоволуваат барањата на релевантните заинтересирани страни:
• опишување на процесите• задавање на мерливи цели на процесите врз база на споредени податоци и информации• мерење и мониторинг на процесите преку клучни параметри• анализирање на податоците и известување за успешноста на процесите• подобрување на процесите
Системот за управување со квалитетот согласно барањата на ISO 9001 денес се користи во целиот свет, а негова сертификација е општоприфатен начин за докажување на сегашните и потенцијалните партнери дека производот или услугата ќе ги задоволи неговите барања во врска со квалитетот.
Добро развиен и одржуван систем за управување со квалитетот има позитивен придонес за остварување на целите во работењето, подобрувајќи го:
• задоволството и довербата кај купувачите • вкупните резултати и способности • подобар квалитет на производите/услугите • подобра работна продуктивност • помал број на грешки • помали трошоци • навремена испорака и сл.
Систем за управување со квалитет
Организацијата мора да го воспостави, документира, применува и одржува системот за управување со квалитет, и континуирано да ја подобрува неговата ефикасност во согласност со барањата на овој меѓународен стандард.
Воведување систем за квалитет
Стопанската комора на Македонија, поточно Центарот за унапредување на квалитетот во производство и услуги, кој функционира во рамките на истата, работи на воведување на систем з