Нацрт на ГУП на град Скопје - Преземено од официјален портал на Град Скопје - http://www.skopje.gov.mk/DesktopDefault.aspx?tabindex=0&tabid=594

- Скопскиот регион е еден од осумте статистички региони на РМ, лоциран на северната граница, се граничи со Србија и Косово, а кон внатрешноста со Вардарскиот, Полошкиот, Североисточниот, Источниот и Југозападниот регион;

- Скопскиот регион се состои од десет општини на град Скопје и осум општини надвор од градот Скопје. Овој регион е најнаселен од сите со околу 590 455 жители во 2006 година и просечна старост од 36 години;

- Од производните индустрии најприсутни се металургиската, металната, фармацевтската, прехрамбената, кондиторската индустрија како и производство на безалкохолни пијалоци и пиво, од терцијалните гранки застапени се финансиско-банкаркиот сектор и информатички технохнологии како и градежништвото;

- 139 компании или 70% од 200-те најголеми македонски фирми во 2008 година се со седиште во Скопје. Нивните вкупни приходи во 2008 година биле над 5.6 милијарди евра или 82% од вкупните приходи на 200-те најголеми, а нето добивката изнесува 369 милиони евра или 89,7% од вкупната нето добивка на 200-те најголеми;

- Според истражувањето на УНДП јули/август 2008 година Скопскиот регион има 27 % невработеност;

- Во истото истражување потеклото на изворите на приход во Скопскиот регион се распределени на следниот начин околу 19% потекнуваат од вработувања во јавната администрација, 22% од вработувања во приватниот сектор, 8 % од пензии, а без приход се изјасниле околу 40% од испитаниците;

- Во 2007 година на ниво на Македонија се регистрирани 117 380 деловни субјекти од нив 45 619 се во Скопскиот регион односно 38,86%; од нив на ниво на Македонија активни се 60 800, а во Скопскиот регион 23 781, односно околу 40%.

- Најголемо учество во бруто-домашниот производ на Република Македонија има Скопскиот регион со 47.3% во 2005 година.

- Највисоко ниво на БДП по жител, споредено со просекот на Република Македонија; во 2005 година Скопскиот регион има индекс на БДП по жител од 164.2%;

- Според седиштето на деловните субјекти, во 2006 година најголем извоз во вредност од 1 милијарда 88 милиони САД долари е регистриран во Скопскиот регион, од вкупно 2 милјарди 401 милион САД долари извоз на национално ниво, а деловните субјекти од овој регион имаат остварено и најголем увоз во вредност од 2 милијарди 506 милиони САД долари од вкупно 3 милијарди 763 милиони САД долари увоз на ниво на Македонија.