Почитувани,

Институтот за бизнис и менаџмент Хајделберг – Скопје (IBMHS) со задоволство Ве поканува да бидете дел од четврта генерација на Академијата за јавни набавки, чиј почеток е планиран за 17 ноември 2026 година.

Станува збор за шестнеделна стручна обука, наменета за професионално усовршување во областа на јавните набавки, постапките за нивно спроведување и примената на законската регулатива во практиката.

Преку комбинација на теоретски знаења, практични примери и искуства од експерти во областа, Академијата овозможува развивање на компетенции потребни за правилно планирање, спроведување и управување со постапките за јавни набавки.

Програмата е структурирана во 7 тематски модули, кои ги опфаќаат клучните фази на процесот на јавни набавки:

• Правна и институционална рамка – основни принципи, законска регулатива и надлежни институции во Република Северна Македонија.
• Планирање на јавните набавки – подготовка на планови и внатрешна организација кај договорните органи.
• Подготовка и спроведување на постапките – тендерска документација, критериуми, евалуација и избор на најповолна понуда.
• Електронски јавни набавки – користење на електронскиот систем и дигитално спроведување на постапките.
• Правна заштита – механизми за заштита на правата и обезбедување законитост во постапките.
• Управување со договорите – реализација, следење, изменување и завршување на договорите за јавни набавки.
• Спречување корупција и злоупотреби – препознавање ризици, судир на интереси и механизми за превенција.

Наставата ќе биде реализирана со учество на искусни експерти од областа на јавните набавки:

• д-р Маре Богева Мицовска - Директор на Биро за јавни набавки
• Александар Аргировски - Биро за јавни набавки
• Рита Глигоријевска - Биро за јавни набавки
• Александра Петреска - Биро за јавни набавки

Нивното долгогодишно професионално искуство обезбедува поврзување на законските и теоретските основи со предизвиците што се јавуваат при реалното спроведување на јавните набавки.

Академијата е наменета за вработени во општини, министерства, јавни институции, судови и други органи на јавната администрација, како и за претставници на приватни компании кои учествуваат во тендерски постапки.

Програмата е соодветна и за правници, економисти, професионалци задолжени за јавни набавки и сите заинтересирани кои сакаат да стекнат или да ги надградат своите знаења во оваа област.

Не е потребно претходно професионално искуство со јавни набавки.

• Почеток: 17 ноември 2026 година
• Времетраење: 6 недели
• Настава: Вторник и четврток, од 18:00 до 21:00 часот
• Неделен ангажман: 8 школски часа
• Формат: Хибриден – физичко или онлајн присуство, по избор на учесникот
• Редовна цена: 590 евра
• Плаќање: Можност за плаќање на 2 рати

🎓 Специјална поволност за членките на Стопанската комора на Северна Македонија

Во рамките на соработката со Стопанската комора на Северна Македонија, за сите заинтересирани кандидати од компаниите членки на Комората обезбедуваме специјален попуст од 100 евра за учество во Академијата за јавни набавки.

Со користење на промотивниот код, редовната цена од 590 евра се намалува на 490 евра.

Промотивен код: SKSMPP

За остварување на повластената цена, кандидатите задолжително треба да го внесат кодот SKSMPP во полето „Referral Code“ при пополнување на онлајн формуларот за пријавување.

На овој начин, пријавата ќе биде евидентирана како пријава преку Стопанската комора, а кандидатот ќе може да ја искористи предвидената поволност.

Надградете ги Вашите професионални компетенции и стекнете практични знаења за успешно управување со постапките за јавни набавки.

Станете дел од четвртата генерација на Академијата и искористете ја можноста за професионално усовршување со поддршка од искусни експерти.

За целосната наставна програма и дополнителни информации посетете ја нашата веб-страница:

За сите дополнителни прашања Ви стоиме на располагање.

✉️ a.jankulovski@heidelberg.edu.mk | info@ibmhs.eu