Надлежно е Министерство за дигитална трансформација

Приклучувањето на Р.С.Македонија кон режимот „Роаминг како дома“ на Европската Унија ќе овозможи граѓаните и бизнисите да користат мобилни услуги во земјите на ЕУ без дополнителни роаминг трошоци, како да се дома. Ова носи директни финансиски заштеди за граѓаните, ја зголемува мобилноста и ја олеснува комуникацијата при патувања, студии и работа во ЕУ.

За бизнис-секторот, мерката значи пониски оперативни трошоци, полесно прекугранично работење и зголемена конкурентност, особено за ИКТ и стартап компаниите. Истовремено, таа ја зајакнува дигиталната поврзаност и интеграцијата на Р.С.Македонија во Единствениот дигитален пазар на ЕУ.

Од стратешка перспектива, „Роаминг како дома“ претставува конкретен чекор кон усогласување со европските дигитални политики и регулативи, јасен сигнал за европска интеграција и практична придобивка што граѓаните веднаш ја чувствуваат. Ова ја зголемува довербата во реформските процеси и ја позиционира Р.С.Македонија како регионален лидер во дигиталната трансформација.

Нацрт -Закон за изменување и дополнување на законот за електронските комуникации (*)