Секојдневната работа со голем број документи, извештаи, договори, политики, процедури, тендерска и проектна документација може да одземе часови во креирање, прегледување, анализирање и ажурирање. Оваа обука ќе ви покаже како, со правилна примена на AI, задачите за кои досега ви биле потребни часови да ги завршувате за само неколку минути – побрзо, попрецизно и со значително помалку рачна работа.

Во насока на приближување на дигиталните вештини до секоја компанија, Стопанската комора на Северна Македонија, во соработка со Семос Едукација, на 28 и 29 октомври 2026 година ја организираат обуката: „AI ЗА ДОКУМЕНТАЦИЈА: КАКО ДА ОБРАБОТУВАТЕ ДЕСЕТИЦИ ДОКУМЕНТИ ЗА НЕКОЛКУ МИНУТИ“.

Практичната обука ќе им овозможи на учесниците да се запознаат со начините на кои, со помош на вештачка интелигенција, може значително да се намали времето потребно за работа со документација, да се подобри квалитетот на документите и да се автоматизираат голем дел од секојдневните административни задачи.

Во рамки на обуката ќе бидат опфатени практични техники за користење AI при брзо истражување, подготовка на документи, сумирање на обемни материјали, анализа на информации, извлекување клучни податоци и креирање извештаи. Наместо часови поминати во читање, пребарување и уредување документи, учесниците ќе научат како поголем дел од работата да ја завршуваат за само неколку минути.

Обуката е наменета за професионалци кои работат со голем обем документација, вклучувајќи правни служби, човечки ресурси, проектни и тендерски канцеларии, регулаторни оддели, администрација, раководители на тимови и оддели, како и сите деловни корисници кои сакаат своите задачи да ги извршуваат побрзо, поквалитетно и поефикасно.

Покрај практичната примена на AI, учесниците ќе се запознаат и со основите на безбедно и одговорно користење на вештачката интелигенција, заштитата на податоците, GDPR и EU AI Act. Обуката вклучува работа со современи AI алатки и нивна примена директно во Microsoft Word и останатите Office апликации. Преку реални деловни сценарија, демонстрации и практични вежби, учесниците ќе стекнат вештини кои ќе можат веднаш да ги применат за побрза обработка на документи, поголема продуктивност и поефикасно управување со информации. За следење на обуката не е потребно техничко предзнаење.

Модул 1: Основи на безбедна и одговорна употреба на AI

Запознавање со принципите на функционирање на AI алатките, разликите помеѓу јавни и корпоративни AI решенија и основните правила за безбедно користење на податоци. Во рамки на модулот се обработуваат GDPR принципите, заштитата на чувствителни информации и основите на EU AI Act. Учесниците ќе научат кога и како може безбедно да се користи AI во работна средина и како да ги проценуваат потенцијалните ризици.

Користење на AI за побрзо пронаоѓање, организирање и сумирање информации од различни извори. Учесниците ќе научат како да поставуваат ефективни барања, да добиваат структурирани одговори, споредби и резимеа, како и како да ја проверуваат точноста на добиените информации пред нивна употреба во деловна документација.

Практична примена на AI при подготовка на први верзии на документи, извештаи, политики, процедури и други деловни материјали. Учесниците ќе научат како да сумираат обемни документи, да извлекуваат рокови, обврски и ризици, како и да прилагодуваат содржина за различни публика и намени. Дополнително ќе научат како AI може да помогне во проверка на конзистентност и квалитет на документите.

Запознавање со можностите на Copilot директно во Word и останатите Microsoft 365 апликации. Учесниците ќе научат како да креираат документи од кратки инструкции, да сумираат постоечки документи, да преработуваат текстови и да користат постоечки датотеки како основа за нова содржина. Фокусот е ставен на практична работа во алатките што корисниците веќе ги користат секојдневно.

Работа на реални сценарија специфични за правни служби, HR, тендерски и проектни канцеларии, регулаторни оддели и администрација. Учесниците ќе применат AI во комплетен процес: истражување, подготовка на документ, ревизија и финализација на содржината. Целта е да се демонстрира како AI може да се интегрира во реалните работни процеси на секој оддел.

Учесниците ќе научат како да создаваат повторно употребливи шаблони за барања, да обезбедат поконзистентни резултати и да избегнат вообичаени грешки при работа со AI. Ќе се обработат техники за подобрување на квалитетот на одговорите, проверка на факти и воспоставување добри практики за работа со AI во организацијата.

Вовед во напредните можности што се надвор од класичното користење на AI преку разговор. Учесниците ќе се запознаат со концептите на автоматизација на процеси, AI агенти, интелигентна обработка на документи и автоматско генерирање документи од предефинирани шаблони и податоци. Целта е да препознаат кои процеси во нивната организација би можеле дополнително да се автоматизираат.

• Не е потребно претходно искуство со AI
• Не е потребно програмирање или техничко предзнаење
• Основно познавање на Microsoft Office алатките е препорачливо

• Заштедат часови работа при подготовка, преглед и обработка на документација

·        Обработуваат голем број документи побрзо и поефикасно со помош на AI

·        Пронаоѓаат, анализираат и сумираат информации за неколку минути наместо за часови

·        Извлекуваат клучни информации, ризици, обврски и рокови од обемна документација

·        Подготвуваат извештаи, политики, процедури и други деловни документи значително побрзо

·        Ја подобрат точноста, квалитетот и конзистентноста на деловната документација

·        Користат AI за подготовка на први верзии на документи и нивна понатамошна доработка

·        Работат поефикасно со Word и Microsoft 365 алатките

·        Креираат сопствени AI шаблони за побрза и постандардизирана работа

·        Автоматизираат дел од секојдневните административни и документарни задачи

·        Препознаат процеси во својата организација кои може дополнително да се оптимизираат со AI

·        Применуваат AI безбедно и одговорно во согласност со добрите практики и регулативите

Неговата комбинација од техничка експертиза, проектен менаџмент и длабоко разбирање на современите AI технологии го прави предавач кој успешно ги претвора комплексните технолошки концепти во практични решенија со реална деловна вредност.

• работни материјали во електронска верзија (прирачник со готови prompt-шаблони, пристап до практични вежби и примери од обуката);
• пристап до премиум лиценца за Microsoft Copilot за времетраење на обуката, како и практична работа со други современи AI алатки, како Claude.
• освежување
• сертификат за учество на обуката.       

Сите заинтересирани за учество да се пријават најдоцна до 27.10.2026 година.