КРАЈОТ НА ПАНДЕМИЈАТА ПРЕДИЗИВИКАНА ОД КОРОНАВИРУСОТ ЧИНИ НАЈМАЛКУ 100 МИЛИЈАРДИ ДОЛАРИ
➢ Актуелно (17.08.2020)
👁 Прочитано: 2438



КРАЈОТ НА ПАНДЕМИЈАТА ПРЕДИЗИВИКАНА ОД КОРОНАВИРУСОТ ЧИНИ НАЈМАЛКУ 100 МИЛИЈАРДИ ДОЛАРИ

Економските последици кои ги предизвика пандемијата од коронавирусот се огромни, но според Тедрос Аданом Габрејесус, генерален директор на СЗО, за крајот на пандемијата се потребни најмалку 100 милијарди долари. Податоците од Меѓународниот монетарен фонд покажуваат дека досега здравствената криза ја чини глобалната економија околу 375 милијарди американски долари месечно и предвидува кумулативна загуба на глобалната економија во текот на две години од над 12 трилиони американски долари. Државите од Г-20 досега мобилизираа повеќе од 10 трилиони долари фискален стимул за да ги ублажат ефектите на пандемијата, што претставува три и пол пати повеќе во споредба со вкупните средства што ги потроши светот за ублажување на штетите од глобалната финансиска криза.

 

Служба за информирање при Комората