Владата на Србија на вчерашната седница одобри извоз на меркантилна пченица и меркантилна пченка во Македонија, за договори склучени пред стапувањето во сила на времената забрана за извоз на основни земјоделски производи. Неколку пати се најавуваше дека Србија би можела да донесе ваква одлука и за Црна Гора, но во денешната одлука на Владата не се споменува таа земја.

Во соопштението се вели дека Владата донела Заклучок со кој се одобрува извоз на меркантилна пченица и меркантилна пченка на правни лица кои извезуваат во Македонија врз основа на договори склучени пред влегувањето во сила на Одлуката за привремена забрана за извоз на основните земјоделски прехранбени производи. Овој заклучок овозможува реализација на веќе договорените деловни аранжмани меѓу компаниите од Србија и регионот.