КОМОРАТА ПОМЕЃУ СВОИТЕ ЧЛЕНКИ АЗЕСКИ: ЛАБОРАТОРИЈАТА НА ОКТА СО 53 АКРЕДИТИРАНИ МЕТОДИ ПО ЕВРОПСКИ И АМЕРИКАНСКИ СТАНДАРДИ
➢ Актуелно (07.07.2021, во 10:55:55)
👁 Прочитано: 665




АЗЕСКИ: ЛАБОРАТОРИЈАТА НА ОКТА СО 53 АКРЕДИТИРАНИ МЕТОДИ ПО ЕВРОПСКИ И АМЕРИКАНСКИ СТАНДАРДИ

По посетата на лабораторијата на Макпетрол минатата недела, претседателот на Стопанската комора на Северна Македонија, Бранко Азески, со својот тим во работна посета и на компанијата ОКТА. Единствените, две приватни компании, кои поседуваат сопствени лаборатории за нафта и нафтени деривати. Изворно да се увери во квалитетот, визијата, инвестициската активност на компанијата. 

Во досегашниот период на работење на лабораторијата инвестирани се повеќе од 10 милиони евра во опрема, инструменти, резервни делови, хемикалии, одржување, акредитација и сѐ друго што е потребно за постигнување одлични резултати во работењето.

„Тоа што го видовме во ОКТА говори за сериозноста на бизнисот. Квалитетот, прецизноста и сигурноста ја стават компанијата на врвот на бизнисот со нафта и нафтени деривати, не само во Северна Македонија, туку и во регионот“, констатираше Претседателот на Стопанската комора на Северна Македонија, Бранко Азески, во рамките на работната посета на лабораторијата. 

ОКТА снабдува две третини од пазарот со нафтени деривати, а своите производи ги пласира и на околните пазари, а акредитираната лабораторија ја користат и Косово и Албанија, а повремено примероци се доставуваа и од Србија.

Лабораторијата на ОКТА е единствена во државата која поседува мотори за испитување на арбитражни анализи - октански број кај бензинот, како и цетански број кај дизелот. Покрај секојдневните лабораториски анализи на нафтените деривати, лабораторијата е опремена да врши испитување на техничките води и третирани отпадни води, за интерна употреба, вели Вук Радовиќ, Главен извршен директор на ОКТА АД – Скопје.

Со постојано учество на меѓу-лабораториски тестирања за нафтени деривати, организирани од страна на акредитираниот Институт во Холандија, лабораторијата редовно ја потврдува својата професионална и прецизна работа. Лабораторијата на ОКТА остварува континуирана соработка и размена на искуства и знаење, со двете современо опремени и акредитирани лаборатории на Хеленик Петролеум Групацијата во Солун и Атина, посочува директорот Радовиќ.

Инаку, компаниите кои го поседуваат стандардот ISO 17025 гарантираат техничка способност и компетенции да обезбедат независност и реалност, прецизни и точни податоци за лабораториски анализи. Овој стандардот го поседуваат и двете приватни лаборатории за нафта и нафтени деривати во Северна Македонија. Минатата недела тоа го потврдивме при посетата на Макпетрол. Вчера, на лице место, во лабораторијата на ОКТА. 40 години традиција, прва акредитирана лабораторија во државата, која секоја година, подлежи на проверка од страна на стручни лица од Институт за акредитација, а на секои 4 години се врши ре-акредитација.

Располага со 53 акредитирани методи по европски и американски стандарди, со флексибилен опсег, за анализа на нафтени деривати како: течен нафтен гас, безоловен бензин, еуро дизел, мазут, екстра лесно гориво, како и млазно гориво.

Во лабораторија се изведуваат анализи на примероци за потребите на ОКТА, како и на примероци кои пристигнуваат од надворешни клиенти и државни институции, под одредена шифра, а извештаите се издаваат под лабораториски број кој ја содржи единствената шифра од примерокот.

Инаку ОКТА и Макпетрол прераснуваат во лидери за испитување на млазно гориво, бидејќи се ангажирани на аеродромите во Црна Гора (Подгорица и Тиват), на аеродромот во Приштина и во Тирана, и повремено во Србија.

 

Во прилог линк до:

  • инсерти од работната посета на акредитираната лабораторија на Окта АД Скопје и
  • инсерти од самата лабораторија

Download link
https://wetransfer.com/downloads/b2364044c82ba17f64a5ab76741732b120210706221608/ff16f316edacb3a34a2b23304babf2c920210706221630/2c8cfa

1 item

Rabotna poseta na laboratorijata na Okta AD Skopje 6.7.2021

 Folder2 items

 
 
Служба за информирање при Комората