Успешното реализирање и спроведување на обврските кои произлегуваат од менаџментот на човечки ресурси се од суштинско значење за успешноста на јавните институции. Организациската поставеност, кадровската екипираност, професионалниот развој на вработените, како и навременото исполнување на законските обврски, се основа  за континуиран развој на институциите. Целта на овој онлајн семинар е низ практични примери за изработка на разни акти од областа на управувањето со менаџментот на човечките ресурси, да им се помогне на учесниците да стекнат практични знаења и вештини за полесно креирање и реализирање на истите.
Програма:
-    Суштината на менаџментот на човечки ресурси;
-    Изготвување на правилници за внатрешна организација и систематизација на работните места;
-    Подготовка на годишен план за вработување;
-    Креирање и реализиција на постапки за вработување и унапредување.

МОДУЛИ

Модул 1:
Менаџментот на човечки ресурси во функција на јавната администрација
•    Основи на менаџментот на човечки ресурси; 
•    Функции на менаџментот на човечки ресурси.
Модул 2:
Подготовка на акти за внатрешна организација на инститицијата
•    Значење на функционалната анализа;
•    Изработка на Правилник за внатрешна организација на институцијата;
•    Изработка на Правилник за систематизација на работните места;
•    Поврзаност на закони потребни за подготовка на актите.
Модул 3:
Подготовка на Годишен план за вработување на институцијата 
•    Анализа на податоци за кадровската екипираност на институцијата (практични примери);
•    Изработка на Годишен план за вработување (практични примери);
•    Донесување на Годишен план за вработување (практични примери);
•    Реализација на Годишен план за вработување (практични примери).
Модул 4:
Подготовка на огласи за вработување и унапредување на вработени 
•    Видови на вработување; 
•    Подготовка на оглас;
•    Реализација на оглас.

Целна група: 
-    Одговорни лица за управување со човечки ресурси во јавните институции, вработени во организационите единици за управување со човечки ресурси, како и менаџери на институции.

Предавачи:
-    М-р Милка Ѓурчевска, магистер по менаџмент на човечки ресурси, специјалност јавна администрација. Раководител на одделение за управување со кариера, развој и перформанси на вработени во Државниот инспекторат за труд и
-    доц. д-р Викторија Трајков, доктор на економски науки, специјалност маркетинг и брендирање.

За сите учесници ќе биде обезбедено:
-    Напатствија за приклучување на онлајн семинарот;
-    Работни материјали во електронска верзија.

Сите заинтересирани за учество на овој семинар можат да се пријават најдоцна до 25.05.2022 година.