Online Бизнис средби 25.06.2021 Он-лине настан и деловни средби „FINNO-Access2Finance and Innovation“, Белград,

, Србија



Стопанската комора на С. Македонија во соработка со Европската мрежа на претприемачи од Србија, ве поканува да учествувате на онлине настанот и деловните средби кои се наменети за компаниите од регионот на Југоисточна Европа: „FINNO-Access2Finance and Innovation“ на 25 јуни  2021 година во Белград, Србија.                                                                                                

Платформата FINNO- Access2Finance and Innovation, претставува ONE STOP SHOP за поддршка на финансиски инструменти и иновации за малите и средни компании од Југоисточна Европа.

Конзорциумот на ЕЕН Србија ја иницираше и ја разви оваа платформа, која ќе служи за подобрување на пристапот до финансии, како и за олеснување во процесот на иновации и тоа од создавање на бизнис идеи до комерцијален успех на меѓународните пазари.

Целта на конзорциумот е преку ЕЕН мрежата да се зајакне растот и развојот на малите и средни компании од регионот на Југоисточна Европа, во Босна и Херцеговина, Хрватска, Црна Гора, С.Македонија, Србија и Словенија.

Платформата FINNO претставува решение за да се направи вистински избор меѓу различните видови на финансиска и иновативна поддршка на МСП од различни програми и институции на ЕУ и нуди информации за сите релевантни и достапни можности за финансирање и иновации погодни за бизнисите.

Во прилог е линкот до Агендата од настанот https://finno.b2match.io/agenda.

Регистрацијата за учество е достапна на следниот линк: https://finno.b2match.io/signup, и е отворена до 25 јуни 2021 година, а учеството е бесплатно.

За сите дополнителни прашања поврзани со FINNO платформата можете да се информирате на следниот линк: https://finno.b2match.io/home

 

 


Контакт лица:

Ирена Мојсовска
++ 389 2 3244009


Стопанска комора на Северна Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015