Отворањето сопствена електронска продавница е една од најмудрите и најпопуларните одлуки, која носи големи придобивки за подобрување на финансиското работење на компаниите. Сепак, потребна е континуирана грижа и примена на алатки и на техники за редовно зголемување на продажбата.

За таа цел, Стопанската комора на Македонија на 27 јануари 2021 година организира „онлајн“-семинар на тема „Унапредување на електронската продажба – техники и алатки за ефикасно работење на вашата електронска продавница“, наменет за постојните електронски трговци, на кој ќе бидат презентирани и анализирани разновидни алатки и техники, кои придонесуваат за раст на продажбата во електронските продавници.

На семинарот ќе бидат презентирани e-commerce алатки и нивните предности кои:

• го автоматизираат процесот и заштедуваат време;
• го олеснуваат лансирањето на вашата омни-канал-стратегија;
• го забрзуваат креирањето и лансирањето на нови производи и каталози;
• ги интегрираат сите независни e-commerce процеси и
• овозможуваат флексибилна и глобална комуникација.

Наедно, на оваа обука ќе бидат презентирани и анализирани специфични техники, со чија правилна употреба ќе обезбедите зголемен раст на продажбата во вашата електронска продавница.

ПРОГРАМА:

I. Предности на алатките за електронска трговија    
   Видови алатки за електронска трговија:
   - основни алатки;
   - бесплатни алатки за електронска трговија;
   - алатки за подобрување на лојалноста на клиентите;
   - CRM-алатки за електронска трговија;
   - SEO-алатки;
   - CRO-алатки за оптимизација на конверзија и за зголемување на процентот од посетители на електронската продавница во купувачи;
   - алатки за дизајнирање и за визуелна презентација и
   - алатки за раководење со резерви

II. Специфични техники за раст на електронската продажба

   - Платен промет за Facebook, Twitter, Instagram и ретаргетирање (таргетирање лица кои ја посетиле вашата електронска продавница, но не направиле платена нарачка).
   - Зголемување на довербата кај клиентите преку вашата поддршка (грижа за клиенти преку разговор во живо, овозможување оцени и коментари од клиенти и сертификати за безбедност).
   - Поедноставување на процесот за проверка и побрзо комплетирање на нарачките.
   - Користење електронски маркетинг (креирање листа, сезонски и периодични електронски магазини и сегментирање на листата, со цел анимирање на постојните купувачи).
   - Луѓето полесно носат одлука за купување поради придобивките, а не поради карактеристиките на производите – начини како да ти истакнете придобивките на изложените производи.
   - Дополнителна продажба преку предложени и слични производи на веќе додадениот производ во кошничката.
   - Презентација на пет успешни е-commerce примери во светот.

За кого е наменета обуката?

Обуката е наменета за сопственици и менаџери на електронски продавници кои се стремат кон зголемување на електронската продажба, за претприемачи кои започнуваат со електронска трговија и за ентузијасти кои сакаат да научат нешто повеќе за електронската трговија.

Предавач:
- Билјана Радоњанин, менаџер и косопственик на електронската продавница „Ексквизит“; дипломиран економист со повеќегодишно искуство во делот на ПР, маркетинг и продажба; говорник на Global Entrepreneurship Week и на Недела на претприемништвото, како и обучувач во областа на електронската трговија.

За сите учесници ќе биде обезбедено:    
- упатства за приклучување на „онлајн“-семинарот;
- работни материјали во електронска верзија и
- eлектронски сертификат за учество на семинарот.    

Сите заинтересирани за учество на овoj „онлајн“-семинар можат да се пријават најдоцна до 22.1.2021 година.