Грижата за потрошувачите и за корисниците на услугите е постојан и бескраен процес. 

Со промените на потрошувачките навики и напливот на лесно достапни информации, компаниите се судираат не само со борбата за стекнување нови клиенти туку и со постојаната потреба од задржување на постојните клиенти, со зголемување на нивното задоволство и со класифицирање во најпосакуваната категорија клиенти – лојални.
Учесниците на овој семинар активно ќе учествуваат во идентификацијата на сите клучни фактори што ја прават услугата една од клучните продажни, односно деловни алатки и во таа интеракција ќе добијат тековна повратна информација за своите знаења, ставови, идеи и следни чекори во нивната работна пракса.
За таа цел, Стопанската комора на Македонија, на 23 декември 2020 година, организира „онлајн“-семинар на тема „ПОДИГНУВАЊЕ НА ЗАДОВОЛСТВОТО НА КЛИЕНТОТ“.

ПРОГРАМА:

• Вовед во темата – прашања и дискусија за тековни пракси 
  - Што продаваме, кому продаваме и како продаваме?
  - Вежба и дискусија: кога вие би одлучувале...

• Дефинирање на:
  - задоволството на клиентот
  - лојалноста на клиентот
  - задржувањето на клиентите (Customer retention) 
  - стекнувањето клиенти (Customer acquisition)
  - За контемплација: врз кои (и зошто) од горните работни процеси паѓа фокусот на напорите за задржување/подигнување на профитот?

• Задржување на клиентите (Customer retention)
  - Мерење на вредноста на клиентите и на ефектите од подигнувањето на стапката на нивно задржување
  - Примери за мерење на вредноста на просечен клиент; клиентите и ефектите од подигнувањето на стапката на задржување на клиентите.

• Стратегии за задржување на клиентите
  - Развој на стратегии за задржување на клиентите во различни индустрии

• Намалување на стапката на откази од страна на клиентите 
  - Причини за добивање отказ од клиентот
  - За контемплација: каде треба да биде насочен фокусот на напорите за намалување на стапката на откази од клиентите: кон екстерни процеси (клиенти) или кон внатрешни (организација, лидерство, работна средина...)

• Сигнали за нерасположение на клиентите и мерки за превенција
  - Реални случаи на нерасположение на клиентите и дилема: отказ или останување во однос со клиентот 

• Зголемување на задоволството на клиентите
- Мерење на задоволството на клиентите
- За контемплација: тековните пракси и повратните ефекти од нив

• Од подигнување на задоволството на клиентот кон...

Предавач: 

Митко Керамитчиев, деловен консултант и тренер за голем број деловни вештини, со потесна специјализација во продажбата, услугите и во дистрибуцијата.
Работејќи за или тесно соработувајќи со големи интернационални бизнис-гиганти и со светски познати брендови, бил во можност да го спроведува нивното глобално know-how на македонскиот и на регионалниот пазар.
Wrigley, Allied Domecq, Colgate-Palmolive, Hipp, Nestle, Johnson&Johnson, Dr. Oetker, Johnson Wax, AWT International, Alma-M се дел од организациите за кои Керамитчиев работел или со кои тесно соработувал.
Како тренер, со повеќе од  640 семинари, работилници, предавања, презентации и консултантски сесии одржани во Македонија и во регионот, Керамитчиев соработувал со голем број компании од речиси сите деловни сектори: банкарство, енергетика, осигурување, градежништво, транспорт, рударство, спорт, автомобилска индустрија, производство на различни стоки и репроматеријали, дистрибуција на стоки за широка потрошувачка, информатика и комуникација, фармација, тутунска индустрија, угостителство... 

За сите учесници на семинарот ќе бидат обезбедени:    
- упатства за приклучување на „онлајн“-семинарот;     
- работни материјали во електронска верзија и    
- eлектронски сертификат за учество на семинарот.       

Сите заинтересирани за учество на овoj „онлајн“-семинар можат да се пријават најдоцна до 18.12.2020 година.