Во денешното работење MS Excel, претставува незаменлива деловна алатка која е неопходен дел од деловната писменост. Правилната употреба и познавањето на работата во MS Excel го чини работењето многу полесно и побрзо. Познавањето на MS Excel е предност во било која дејност или занимање поради што инвестирањето во практичната обука за оваа програма е непогрешлив избор. 

Семинарот посветен MS Excel 2016 овозможува за најкратко време, оспособување за уредување, анализа и презентирање на податоци во Excel. Семинарот е интерактивен, осмислен на начин кој овозможува преку примери и вежби да се совладаат функциите кои оваа програма ги нуди како што се: работа со податоци и табели, пресметки и функции, управување со податоци, условно форматирање, валидација на податоци, користење на What if анализата за лесно додавање, промени и бришење на сценарија, како и пивот табели - еден од скриените адути на Ексел со што значително се скратува времето на работа. Семинарот вклучува и креирање на Dashboard (контролни табли) – визуелен интерфејс кој дава визуелен преглед на комплетното работење врз основа на што брзо се донесуваат одлуки. 

Семинарот е наменет за сите кои сакаат да ги унапредат своите знаења и вештини како би биле поподготвени за идни деловни предизвици - да се запознаат со користењето на многубројните алатки кои ги нуди оваа програма, пивот табели и контролни табли, а потоа и стекнатите знаења да ги применат на своето работно место. Основен услов е учесникот да има познавања од работа со компјутер и основни познавања на програмата за табеларно пресметување – Excel 2016.

Теми кои ќе бидат опфатени на семинарот:
•    Работа со табели;
•    Групирање на податоци;
•    Валидност на податоци;
•    Условно форматирање;
•    Работа со формули и функции;
•    Креирање сценарија;
•    Замрзнување редици/колони;
•    Графички приказ на податоци во рамки на ќелија (Sparklines);
•    Пивот табели;
•    Креирање контролни табли (Dashboards);
•    Заштита на работни листови и датотеки.

По завршување на семинарот, учесникот ќе биде во можност да:
•    Практично применува табеларни пресметки;
•    Групира податоци и работи со големи табели;
•    Креира табели со пресметки кои самите автоматски се пополнуваат;
•    Применува условно форматирање и валидација на податоци;
•    Креира графикони во рамки на ќелија;
•    Користи пивот табели;
•    Креира комплексни интерактивни извештаи со кои се добива нов поглед на деловните информации;
•    Заштитува работни листови и датотеки;
•    Користи контролни табли за креирање комплексни анализи.

Придобивките на компаниите и организациите од примената:
-   Генерирање квалитетни работни вештини;
-   Олеснета деловна администрација;
-   Ефикасно користење на работното време;
-   Полесно и побрзо креирање квалитетни информации како подлога за одлучување;
-   Оптимизација во работењето со користење на прави информации;
-   Подобар увид во работењето.

Предавач: 
Ирина Иванова, дипломиран инженер и професор по информатика веќе 19 години. Обучувач во областа на ИТ. Активно е вклучена во проекти финансирани од ЕУ, УСАИД и Британски Совет како експерт и обучувач. Воедно е  ETwinning и Scientix амбасадор за Македонија. Учесник е на бројни конференции, но и автор на прирачници за основно и учебници за средно образование.

За сите учесници на семинарот ќе биде обезбедено:
- работен материјал; 
- сертификат за присуство на семинарот.

Рок за пријавување: 9.12.2020 година.