Online Бизнис средби 02.12.2020 Виртуелен настан: „Match4Industry Business Matchmaking Event“

Онлајн, Турција

Стопанската комора на Македонија во соработка со Европскиот бизнис центар ABİGEM East Marmara и Индустриска стопанска комора од Коџаели, Р. Турција, а во рамки на ЕЕН–Европската мрежа на претприемачи, Ве поканува да земете учество на претстојниот Виртуелен настан и билатерални средби „Match4Industry Business Matchmaking Event“.

Учесниците ќе имаат можност да откријат нови пазари и деловни можности во Р. Турција и пошироко, како и да истражат иновативни идеи за развој и производи од компаниите-лидери во индустријата и инвестициите од Коџаели, Р. Турција, што претставува основа на автомобилската индустрија со инвестиции на „Форд“, „Хјундаи“, „Хонда“, „Изузу“, како и индустријата за гуми „Гудјиар“, „Пирели“, „Ласа-Бриџстоун“ и „Озка“ како гиганти во секторот.

Виртуелниот настан е наменет за следните сектори:

  • автомобилската индустрија;
  • хемиската индустрија;
  • градежната индустрија и индустријата на градежни материјали;
  • металната и машинската индустрија;
  • електроиндустријата;
  • индустријата за ластика и гума;
  • енергетиката;
  • животната средина и
  • информациски и комуникациски технологии.

Учеството на настанот е бесплатно. Со пријавување на виртуелниот настан, ќе имате можност подетално да се запознаете со профилите на останатите учесници, по што сами ќе можете да ја креирате својата агенда и да ги договорите билатералните состаноци.

Виртуелниот настан ќе се одржи на 2 декември 2020 година. Рокот за пријавување е најдоцна до 30 ноември 2020 година, на следниот линк: https://match4industry-2020.b2match.io/signup

Напомена: За учество на настанот потребно е да имате: компјутер и добра интернет-конекција.

Подетални информации во врска со настанот можете да најдете на нивната официјална веб-страница: https://match4industry-2020.b2match.io/home

ЕЕН-мрежата на Р. Турција Ви нуди професионална помош пред и за време на настанот.

Пријавете се тука

Контакт лица:

Ирена Мојсовска
++ 389 2 3244009


Стопанска комора на Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015