Семинар 27.10.2020 ПРАВЕН АСПЕКТ НА ДОГОВОРИТЕ ЗА ПРЕВОЗ И ШПЕДИЦИЈА – ПРАВА, ОБВРСКИ И ВИДОВИ ДОКАЗИ НИЗ ПРИЗМАТА НА СУДСКАТА ПРАКСА

„онлајн“-семинар, 10:00-13:30 часот



Стопанската комора на Македонија организира „онлајн“-семинар чија цел ќе биде разработка на договорите за превоз на стоки и шпедиција, согласно видот на правата и обврските кои произлегуваат од нив и доказите кои се неопходни за разрешување на спорните прашања во текот на судските постапки. Предмет на разгледување ќе бидат одредбите од Законот за облигациони односи кои се заеднички за сите видови договори кои се среќаваат при реализацијата на услугата транспорт на стоки, ќе се анализираат поединечните одредби и ќе се посочи на особената важност на одделни права и обврски на превозникот или шпедитерот, нивната застапеност во споровите од трговското право.

Паралелно за секој од видовите договори ќе се посочат и доказите кои како нужни треба да се приложат кон тужбата или одговорот на тужба при различни основи на побарувања, долг, штета, осигурување.
На учесниците на семинарот ќе им се овозможи да ги искажат своите гледишта, ставови, проблеми во врска со примената на Законот за облигациони односи и ќе се дадат можни решенија за нивно надминување.

ПРОГРАМА
• Договор за превоз:    
  - Карактеристики;     
  - Обем на права и обврски;    
  - Основи за одговорност;    
  - Видови докази кои треба да бидат приложени и предложени во текот на судската постапка.    

Договор за шпедиција:    
  - Карактеристики;     
  - Обем на права и обврски;    
  - Основи за одговорност;     
  - Видови докази кои треба да бидат приложени и предложени во текот на судската постапка.

Овој семинар е наменет за вработените во правните служби на друштвата, адвокатите и законските застапници. 
 
Предавач:

- Маринела Јакасановска, судија во Трговскиот оддел на Основен суд Скопје 2 - Скопје, предавач во примарна и континуирана обука на Академијата за судии и јавни обвинители.

За сите учесници на семинарот ќе биде обезбедено:    
 - упатства за приклучување на „онлајн“-обуката;     
 - работни материјали во електронска верзија и    
 - e-сертификат за учество на семинарот.   

Сите заинтересирани за учество на овoj „онлајн“ семинар можат да се пријават најдоцна до 23.10.2020 година.

Листа на едукативни настани за месец октомври, 2020 година

Агенда на настанот Пријавен лист

Контакт лица:

Михајло Донев
++ 389 2 3244067

м-р Анита Митревска
++ 389 2 3244057

Стопанска комора на Северна Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015

КАЛЕНДАР НА НАСТАНИ

Семинар, 14.12.2021
Управување со медицински отпад
Семинар, 15.12.2021
Напреден Ексел за анализа на продажбата со пивот табели и “живи“ графикони
Семинар, 16.12.2021
Задолжително заклучување - затварање на деловодник, подготовка на овластувања за работа во писарницата за наредна година, подготовка и собирање на списите за враќање во писарница согласно законската регулатива и нивно складирање
Семинар, 17.12.2021
Практичен MS Excel 2016 во канцелариско и магацинското работење
Работилница, 20.12.2021
РАБОТА ОД ДОМА , ДОГОВОР ЗА ВРАБОТУВАЊЕ, ПРАВИЛНА ПРЕСМЕТКА НА ДЕНОВИ ОД ГОДИШЕН ОДМОР, ПРЕКУВРЕМЕНА РАБОТА, РАБОТА НОЌЕ, ИНСПЕКСИЦСКИ НАДЗОР
Семинар, 22.12.2021
Напредни Ексел функции за анализа на податоците
Тренинг обука, 24.01.2022
КОРИСТЕЊЕ НА АЛАТКИ НА ВЕШТАЧКА ИНТЕЛИГЕНЦИЈА ВО POWER BI
Саем, 28.02.2022
Саемска манифестација: „Internatonal Food and Drink Event (IFE)“
Саем, 31.03.2022
„DUBAI EXPO 2020”