Семинар 11.06.2020 УПРАВУВАЊЕ СО СТРЕСОТ

„онлајн“ обука 10:00-13:00 часот



Стресот е причина за намален фокус и концентрација, за синдромот на „прегореност“ или „burnout“, а се смета дека 70% од болестите потекнуваат токму од стресот и спаѓаат во групата на психосоматски болести или болести кои умот или стресот му ги предизвикува на телото. Негативните емоции и негативните мисли влијаат на нашето тело, но исто така влијаат и на квалитетот на нашата работа и на меѓучовечките односи во колективот. Негативниот или потсвесниот ум е извор на стравот, загриженоста, намалената сигурност и самодоверба, лутина и бес, но и на разочараност и тага. Тој го лишува човекот од надеж и среќа, а на вработените не им дозволува да го искористат својот целосен потенцијал. Наместо работата да ни биде задоволство и игра, таа може да се претвори во извор на стрес кој се одразува на сите полиња од нашиот живот.

За таа цел, Стопанската комора на Македонија на 11 јуни 2020 година организира „онлајн“ обука на тема: „Управување со стресот“ која има за цел да се стекнете со ефективно знаење и решенија за тоа како да се справите со стресот кој потекнува од: вашиот потсвесен ум, од негативните луѓе во вашето опкружување, неорганизираноста на работното место, нерешените проблеми или опсесивната контрола. 

На оваа обука ќе дознаете како негативниот ум влијае врз вашиот живот и работа, зошто некогаш реагирате бурно и не соодветно во дадени ситуации, кажувате работи за кои можеби подоцна се каете, чувствувате емоции кои ве потиснуваат или сте исплашени да преземете одлучна акција или иницијатива. Ќе  научите како да ги препознаете и како да се справите со луѓето во вашето опкружување кои го поттикнуваат стресот и ве прават несигурни и исплашени.

За кого е наменет тренингот?

Тренингот е приспособен за претставници на бизнис-заедницата од линиски, среден и врвен менаџмент, како и за сите вработени кои сакаат да развијат вештини за тоа како да се справат со својот стрес и како да уживаат во својата работа и во животот воопшто. На обуката ќе научите како потсвесниот ум не` контролира, ни наметнува негативни емоции и мисли, како ни ја намалува ефективноста, концентрацијата и фокусот во работата. Ќе се здобиете со ефективно знаење и техники со кои ќе можете да го контролирате и редуцирате вашиот стрес.  

Придобивки од тренингот:
• редуциран стрес;
• препознавање и справување со негативни луѓе кои предизвикуваат стрес;
• зголемен фокус и концентрација;
• зголемен ентузијазам и оптимизам;
• зголемена иницијатива кај вработените;
• зголемена контрола и уживање во работата и животот;
• променети ставови за работата и животот;
• зголемена ефективност, организираност и постигнати цели;
• зголемена сигурност и самодоверба;
• среќни вработени.

ПРОГРАМА

I Модул
• Што е стресот и како истиот се одразува врз нашата работа и здравје?
• Како функционира умот и како и каде се акумулира стресот?
• Како минатите болни искуства  и дамнешни стресни ситуации можат се` уште да се одразуваат во нашиот живот и работа?
• Зошто некои работи во нашата околина можат да побудат негативни мисли и емоции?

II Модул
• Како да ги препознаеме и да се справиме со негативните луѓе или емоционалните вампири во нашиот живот и на работното место?
• Како и зошто овие луѓе наметнуваат проблеми и креираат стрес?    

III Модул
• Како да се справиме со загриженоста и преголемото размислување за последиците (overthinking)?
• Како да се справиме со стресот кој потекнува од неорганизираноста и лошото менаџирање со време, невоспоставеноста или преголемите таргети и барања на раководителите, како и од опсесивната контрола?
• Како да  се стекнеме со сигурност и самодоверба? 
• Брза техника како да се редуцира стресот која можеме да ја направиме за време на работната пауза. 

Предавач:
- д-р Жарко Костиќ, доктор по медицина, мотивациски говорник и тренер за личен развој. После завршувањето на Медицинскиот факултет д-р Костиќ својот интерес го насочува кон тоа како да го зголемиме нашиот умствен и духовен потенцијал, а со тоа и како да ја зголемиме мотивацијата и како да го редуцираме стресот. Токму на овие и слични теми  д-р Костиќ има одржано над 2000 предавања и над 300 ТВ и радио емисии, а воедно е и автор и водител на мотивациската ТВ емисија „Откриени тајни“.

За сите учесници ќе биде обезбедено:    
- упатства за приклучување на „онлајн“-обуката;
- работни материјали во електронска верзија и
- e-сертификат за учество на семинарот.    

Бројот на учесници е ограничен на 20 лица.    
Сите заинтересирани за учество на овoj „онлајн“ - семинар можат да се пријават најдоцна до 08.6.2020 година.

 

Агенда на настанот Пријавен лист

Контакт лица:

Михајло Донев
++ 389 2 3244067

м-р Анита Митревска
++ 389 2 3244057

Стопанска комора на Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015

КАЛЕНДАР НА НАСТАНИ

Семинар, 26.01.2021
УПРАВУВАЊЕ СО ОПАСНИ МАТЕРИИ И СО ОПАСЕН ОТПАД, СОБИРАЊЕ И ОТСТРАНУВАЊЕ, СКЛАДИРАЊЕ И ДЕПОНИРАЊЕ, РЕЦИКЛИРАЊЕ, ГОРЕЊЕ, КРИТИЧНИ ТОЧКИ И ВО УСЛОВИ НА ПАНДЕМИЈА
Саем, 26.01.2021
Виртуелен дигитален саем „Патот од традиционалното кон новото нормално“
Семинар, 27.01.2021
НАПРЕДНИ ПИВОТ ТАБЕЛИ И ГРАФИКОНИ ВО ЕКСЕЛ
Семинар, 27.01.2021
УНАПРЕДУВАЊЕ НА ЕЛЕКТРОНСКАТА ПРОДАЖБА – ТЕХНИКИ И АЛАТКИ ЗА ЕФИКАСНО РАБОТЕЊЕ НА ВАШАТА ЕЛЕКТРОНСКА ПРОДАВНИЦА
Семинар, 28.01.2021
„УСПЕШНО УЧЕСТВО НА ЈАВНИТЕ НАБАВКИ ВО 2021 ГОДИНА“
Работилница, 29.01.2021
ЗАДОЛЖИТЕЛНИ ЕЛЕМЕНТИ НА ДОГОВОРОТ ЗА ВРАБОТУВАЊЕ И МОЖНОСТ ЗА НЕГОВА ИЗМЕНА ВО ПОГЛЕД НА НАМАЛУВАЊЕ НА ПЛАТАТА, ВРШЕЊЕ НА РАБОТА ОД ДОМА ВО ВРЕМЕ НА ПРОДОЛЖЕНО ВАЖЕЊЕ НА МЕРКИ ЗА ЗАШИТА ОД ШИРЕЊЕ НА ВИРУСОТ, ОТСУСТВО НА БРЕМЕНИ РАБОТНИЧКИ ОД РАБОТА
Семинар, 29.01.2021
ДОГОВОР ЗА ГРАДЕЊЕ - ФОРМА, ПРАВА И ОБВРСКИ, ДОПОЛНИТЕЛНИ И НЕПРЕДВИДЕНИ РАБОТИ, ОДГОВОРНОСТ ЗА МАТЕРИЈАЛНИ НЕДОСТАТОЦИ ПРИ ГРАДБА, ОДГОВОРНОСТ НА ПРОЕКТАНТОТ И НАДЗОРОТ
Семинар, 02.02.2021
ДИЗАЈНИРАЊЕ МОДЕЛ ЗА УПРАВУВАЊЕ СО ПРЕВЕНТИВНИТЕ И СО ОРГАНИЗАЦИСКИТЕ МЕРКИ ВО ВОНРЕДНИ СИТУАЦИИ – ПАНДЕМИЈА
Семинар, 09.02.2021
ИНФЛУЕНСЕР СТРАТЕГИЈА – ОРГАНИЗАЦИЈА И СПРОВЕДУВАЊЕ НА МАРКЕТИНГ АКТИВНОСТИ СО ИНФЛУЕНСЕРИ
Семинар, 10.02.2021
ПРАВИЛНИК ЗА УРБАНИСТИЧКО ПЛАНИРАЊЕ - ЌЕ ПЛАНИРАМЕ ЛИ ПОБРЗО, ПОЛЕСНО, ПОХУМАНО?-
Online Бизнис средби, 16.02.2021
Онлајн настан за вмрежување и билатерални средби “Solar Energy Business Mixer II”
Семинар, 24.02.2021
УПРАВУВАЊЕ СО РАЗВОЈОТ НА СОФТВЕРИ – ТЕСТИРАЊЕ И ПУШТАЊЕ ВО ПРОДУКЦИЈА
Семинар, 24.02.2021
АКАДЕМИЈА ЗА МЕНАЏЕРСКИ ВЕШТИНИ по Програма на D.R. Gilbert: ЕФИКАСЕН МЕНАЏЕР-ПАТОТ НА ТРАНСФОРМАЦИЈА И СТРАТЕГИСКА ПОДГОТОВКА
Online Бизнис средби, 25.02.2021
“LINKING FOR THE FUTURE: WESTERN BALKANS AND GERMANY”- Виртуелен настан за вмрежување и билатерални средби за компании од металната, метало-преработувачката и автомобилската индустрија
Семинар, 26.02.2021
ОБУКА ЗА ДИГИТАЛНИ ВЕШТИНИ - MS EXCEL 2016
Саем, 28.02.2022
Саемска манифестација: „Internatonal Food and Drink Event (IFE)“