Целта на ова предавање е да се презентираат новините кои доѓаат со донесување на новиот Правилник за означување на потрошувачката со енергија и другите ресурси за производите што користат енергија, кој е во финална нацрт верзија.  Новиот Правилник е целосно усогласен со Регулативата (ЕУ) бр. 2017/1369 на Европскиот Парламент и на Советот од 4 јули 2017 година за утврдување на рамка за означување на потрошувачката на енергија и со соодветните делегирани Регулативи за одделните видови на производи кои користат енергија и се предмет на означување. Во нашата земја веќе постои на сила Правилник за означување на потрошувачката со енергија па исто така компарација помеѓу двата правилника е неопходна.

  На почетокот предавањето се фокусира на законската основа и потребата за донесување на ваков правилник за означување на потрошувачката со енергија, што во суштина претставува означувањето и како се применува. Дополнително се разгледува кои производи се предмет на означување и начинот на кој се означуваат производите.

    Предавањето ќе продолжи со компаративна анализа помеѓу постоечкиот правилник за означување на потрошувачката со енергија и другите ресурси за производите што користат енергија и новиот, кои се новитетите со правилникот и што би значело тоа во пракса за сите засегнати страни, како на пример дистрибутерите, продавачите и купувачите.
    За крај на ова предавање ќе дадеме осврт на начинот на определување на карактеристиките на производите во согласност со правилникот.

    Ова предавање е наменето за  претставници на компании кои се дел од пазарот за производи кои користат енергија како и за сите кои што сакаат да дознаат повеќе за начинот на означување на производите кои користат енергија и тргувањето со истите.

ПРОГРАМА
I.  ПРВ ДЕЛ:
-    Преглед на новините во Правилникот за означување:
o    Означување на потрошувачката на енергија и другите ресурси; 
o    Производи кои се предмет на означување.

II. ВТОР ДЕЛ:
-    Компаративна анализа помеѓу постоечкиот правилник и новите измени:
o    Промени во начинот на означување на производите кои користат енергија.

ТРЕТ ДЕЛ:
-    Определување на карактеристиките на производите.

Предавачи:   

- Катерина Билбилоска е магистер по електротехника и информациски технологии во областа на енеретските системи. Има неколку годишно работно искуство во Министерство за економија сектор за енергетика, за прашањата поврзани со енергетска ефикасност.
    - Магдалена Даскалова е дипломиран економист. Има повеќе годишно работно искуство во Министерството за економија, сектор за енергетика за прашања поврзани со обновливи извори на енергија.

За сите учесници на обуката ќе биде обезбедено:    
•    упатства за приклучување на „онлајн“-обуката;
•    материјали во електронска верзија.    

Сите заинтересирани за учество да се пријават најдоцна до 29.3.2023 година.