Целта на „онлајн“  семинарот е да се разработат темите кои се однесуваат на работните задачи и активности на деловниот асистент во процесите на архивското и канцелариското работење. Деловниот асистент уште е наречен администратор и има различна улога споредено од една до друга компанија, меѓутоа постојат повеќе вештини и карактеристики кои мора да ги поседува за да може успешно да одговори на работните обврски. Деловниот асистент е потребно да има знаење од повеќе сегменти на работењето на компанијата и од него се бара да има развиено силно чувство на организираност како и да поседува голем број на тврди и меки вештини.
 
Програма на семинарот:

Модул 1 -Деловни вештини и улога на деловен асиситент:
-    Запознавање со позицијата деловен асистент и негова важност;
-    Вештини и карактеристики на деловен асистент;
-    Трендови на деловна асистенција.

Модул 2 – Обврски од област на човечки ресурси:
-    Комуникација со клиенти и вработени;
-    Управување со стрес и конфликти;
-    Справување со тешки и агресивни клиенти;
-    Управување со време;
-    Деловна кореспонденција (усна и писмена);
-    Себемотивација и мотивација на тим.

Модул 3 -Општи и правни работи:
-    Договори за вработување (основни елементи, содржина, форма);
-    Раскинување на договор за работа;
-    Пријавување и одјавување од задолжително социјално осигурување (М1/М2);
-    Решение за годишен одмор.

Модул 4 -Организација на работното место и деловна етика:
-    Организација на работен простор;
-    Организација на состаноци и настани;
-    Водење записник;
-    Деловна тајна и на што се однесува;
-    Професионална тајна и на кого се однесува;
-    Кодекс на облекување (Business casual и Business formal).

Модул 5 - Водење на сопствена структура во канцелариското и архивското работење:
-    Прегледување и распоредување на документи/записи; 
-    Заведување на документот/записот;
-    Доставување на документот/записот во работа;
-    Административно-техничко обработување на документот/записот, испраќање на документот/записот;
-    Разведување и класифицирање на документот/записот; 
-    Одлагање на решени документи/записи во писарницата;
-    Евидентирање (попис и опис) на архивскиот материјал; 
-    Категоризација на архивскиот материјал;
-    Попишување на документарниот материјал - изминат рокот за чување; 
-    Заштита, обезбедување и користење на архивскиот и документираниот материјал во  соодветен простор и стандардна опрема.

Модул 6 - Проток на документи во компанијата:
-    Сортирање во документи и записи (регистри за документацијата);
-    Управување (чување и складирање) на документацијата во
      својата канцаларија и во канцеларијата на генералниот директор;
-    Квалитативно управување на домашните дописи и странските дописи
     за потребите на компанијата; 
-    Чување на документи/записи во изворен облик во кој се креирани,
      испратени, примени и архивирани, облик со кој изворната содржината не се менува;
-    Правилник за кадровски, технички и просторни услови за работа;
-    Упатство за начинот на одбележување на документите со подолги рокови на користење.

Целна група:
Семинарот е наменет за извршни асистенти и раководители кои се дел од процесот на планирање на човечки и технички ресурси, директори/раководители на сектори за нормативно-правни работи во компаниите, вработените во компаниите за архивско и канцелариско работење како и за сите оние кои во своите компании и институции сакаат да ги подобрат и да ги унапредат техниките на  канцелариското и архивското работење, да се информираат со последните актуелности и новини во Законот за архивски материјал, како и да започнат со водење електронска архива (водење на е-деловодник).

Предавачи:
-м-р Валентина Тодоровска, управител на друштвото „Акаунтинг Солушнс Валентина“ ДООЕЛ - Скопје, со 25 години работно искуство во областа на архивското и канцелариското работење и специјалност во областа на финансиски менаџмент и

-м-р Сањица Србиновска, магистер по економски науки, специјалност финансиски менаџмент, управител на „Легаси ДООЕЛ“ со над 10-годишно искуство во делот на продажба, мотивација и деловна кореспонденција.

За сите учесници ќе биде обезбедено:
-    Напатствија за приклучување на онлајн работилницата и
-    Работни материјали во електронска верзија.

Сите заинтересирани за учество на оваа онлајн семинар можат да се пријават најдоцна до 20.03.2023 година.