ОСТВАРЕНА РАБОТНА СРЕДБА СО АМБАСАДОРОТ НА АРГЕНТИНСКАТА РЕПУБЛИКА ВО НАШАТА ЗЕМЈА СО СЕДИШТЕ ВО СОФИЈА
➢ Актуелно (28.06.2022, во 15:58:55)
👁 Прочитано: 491




ОСТВАРЕНА РАБОТНА СРЕДБА СО АМБАСАДОРОТ НА АРГЕНТИНСКАТА РЕПУБЛИКА ВО НАШАТА ЗЕМЈА СО СЕДИШТЕ ВО СОФИЈА

Оперативниот директор на Стопанската комора на Северна Македонија, Билјана Пеева-Ѓуриќ, оствари работна средба со амбасадорот на Аргентинската Република во нашата земја, со седиште во Софија, Н.Е. Алфредо Нестор Атанасоф.

Амбасадорот Атанасоф изрази голема благодарност за приемот и воедно изрази интерес во иднина ваквиот тип на средби да станат редовна пракса и на ниво на претставници од бизнис заедниците од двете земји. Тој додаде дека Република Аргентина е четврт најголем извозник на месо и трет најголем извозник на житни култури во светот.

Целта на посетата беше унапредување и интензивирање на економската соработка во секторите кои се од заеднички интерес особено прехранбената индустрија. Дополнително, беше даден предлог да се одржи и он-лајн презентација на потенцијалите и можностите за соработка со компаниите, како и нивно информирање за царинските постапки и процедури при увоз на производи во Р. Аргентина.

Вкупната надворешно-трговска размена на Република Северна Македонија со Аргентинската Република во периодот јануари-март 2022 година достигна вредност од 5,5 милиони САД $, што претставува раст од 1,19% во однос на истиот период од претходната 2021 година.

 


 


 

м-р Ивана Анчев
Асистент во организационата целина за претставување на членките и вмрежување