Владата на денешната седница повторно донесе одлука за замрзнување на маржата на основните прехранбени производи во трговијата на мало и на големо. Согласно новата одлука, почнувајќи од утре (15.06.2022 година) до 30 септември, маржата за бел леб, шеќер и сончогледово масло ќе биде 5 отсто во трговијата на големо и на мало. За јајца, брашно, макарони и шпагети од тврда пченица, бел ориз и млеко маржата од утре ќе биде 10 отсто.

Дополнително на тоа како важна одлука во делот на формирање на цени е тоа што до крајот на годината нема да се пресметуваат никакви дополнителни трошоци и нема да се одобрува рабат ни надоместоци на секој трговец.

Од министерството за економија велат дека ваквата одлука се носи откако трговците ги зголемија цените на производите и најавија ако се констатира нагло зголемување и кај други производи, ќе се зголеми листата на производи со замрзната маржа.