„ТИГО ФАЈНАНС“ СЕ СТЕКНА СО СЕРТИФИКАТОТ EXCELLENT SME MACEDONIA ЗА СИГУРНО ДЕЛОВНО РАБОТЕЊЕ
➢ Актуелно (27.04.2021, во 12:45:46)
👁 Прочитано: 908




„ТИГО ФАЈНАНС“ СЕ СТЕКНА СО СЕРТИФИКАТОТ EXCELLENT SME MACEDONIA ЗА СИГУРНО ДЕЛОВНО РАБОТЕЊЕ

Скопје, 26 април 2021 – Финансиското друштво „Тиго фајнанс“ станува првата финтек-компанија на пазарот на небанкарски финансиски друштва која се стекна со Excellent SME МАCEDONIA, електронски сертификат кој ги потврдува успешните бизнис-квалитети на малите и средни компании на пазарот.

Сертификатот го издава Стопанската комора на Северна Македонија, а негова главна цел е промоција на малите и средни претпријатија во земјата, нивно осигурување и обезбедување како компании кои негуваат добри деловни практики и зголемување на пазарната транспарентност. Печатот Excellent SME, кој го добиваат компаниите со стекнување на сертификатот, им дава дополнителна сигурност на клиентите и на деловните партнери при склучување договори со одредена компанија бидејќи го потврдува нејзиниот кредибилитет.

„Исклучително сме горди што како компанија која ја презеде пионерската улога во зголемувањето на достапноста на небанкарскиот финансиски сектор за граѓаните и која успешно работи на домашниот пазар повеќе од 3 години се стекнавме со сертификат кој кореспондира со европските директиви. ‘Тиго фајнанс’ е одговорен кредитор, посветен на остварување долгорочни соработки, а Excellent SME МАCEDONIA е дополнителна потврда на овие заложби, кои се основа на нашето работење“, истакна извршниот директор на „Тиго фајнанс, Филип Димитровски.

Стопанската комора на Северна Македонија го издава овој сертификат во соработка со интернационално реномираната агенција за кредитен рејтинг COFACE од Хрватска, која им овозможува на локалните и на меѓународните бизнис-партнери да го верификуваат постоењето на компанијата, податоците, како и нејзиниот бонитет. Веродостојноста на сертификатот е со времетраење од една година, а освен во нашата земја, Excellent SME се доделува и во шест други држави, меѓу кои Србија, Црна Гора, Бугарија, Словенија, Унгарија и Романија.

„Главна цел на сертификатот Excellent SME МАCEDONIA е да ја зајакне довербата на клиентите и на партнерите во компаниите, како и да помогне во градењето позитивна репутација за компаниите кои се дел од глобалниот пазар. Основа за сертификација на компаниите со Excellent SME е уреден кредитен извештај и континуиран мониторинг на финансиските податоци. Првичните анализи и постапката за евалуација, направени според методологијата на светската бонитетна куќа COFACE, ја оценија работата на „Тиго фајнанс“ со натпросечна оценка. Цврсто веруваме дека поддршката која Стопанската комора им ја дава на малите и средни претпријатија во земјата е клучна за нивно афирмирање како сигурни компании, со добри деловни практики .“, истакна Валентина Цветковска, самостоен советник од Стопанската комора на Северна Македонија.

Инаку, сите компании сертифицирани со Excellent SME добиваат печат за квалитет на својата официјална веб-страница, а технологијата SafeSigned™ спречува тој да биде злоупотребен, со што се гарантира автентичноста на сертификатот. Дополнително, оваа технологија, која е глобална иновација во областа на безбедниот интернет, овозможува клиентот да биде сигурен во нејзината точност и сигурност, што, пак, директно влијае врз довербата која ја имаат клиентите и партнерите во компанијата.

Повеќе информации за Excellent SME МАCEDONIA се достапни на следниот линк.

„Тиго фајнанс“ е член на Стопанската комора на Северна Македонија и е дел од раководните структури на Групацијата на финансиски друштва и на Здружението на финансиски организации во рамките на Комората. До услугите на „Тиго фајнанс“ клиентите можат да пристапат едноставно, електронски, на www.tigo.mk , во некоја од експозитурите на „Тиго“ низ земјата или да се информираат со јавување во контакт-центарот на 13-700. Аплицирањето за кредит е брзо, лесно и едноставно, односно одговор на апликацијата се добива за само 30 секунди, додека исплатата во готово се врши за само 10 минути, само со лична карта и без жиранти.

 

Валентина Цветковска
Соработник во организационата целина за претставување на членките и вмрежување