Семинар 29.05.2019 НАДВОРЕШНА И ВНАТРЕШНА КОМУНИКАЦИЈА – СПОЈ НА МАРКЕТИНГ И ЧОВЕЧКИ РЕСУРСИ

Стопанска комора на Македонија


   

Еднодневен семинар:

НАДВОРЕШНА И ВНАТРЕШНА КОМУНИКАЦИЈА – СПОЈ НА МАРКЕТИНГ И ЧОВЕЧКИ РЕСУРСИ

29.5.2019 година (среда)
10:00 – 16:00 часот
Стопанска комора на Македонија, сала 3 на 3-ти кат

Овој семинар ги обединува маркетингот и човечките ресурси во нов напреден концепт на холистичка комуникација со сите инволвирани страни, од кој неодвоив дел е таканаречениот интерен маркетинг. Наменет е за претставници од бизнис заедницата, владиниот и невладиниот сектор кои директно или индиректно се вклучени во процесите на маркетинг комуникации, социјални мрежи, односи со јавноста, организација и човечки ресурси.
Функционирањето на компаниите е сложен процес. Тој опфаќа постојана размена на информации. Свесноста за важноста на овој комуникациски тек е една од важните компоненти за успехот на работењето на секоја компанијата. Доколку линиите на комуникација не се јасно дефинирани, доколку информациите не се пренесуваат целосно и до лицата за кои тие се наменети, ќе се успорува работењето, ќе се создава внатрешно незадоволство поради неорганизираноста и компанијата нема да биде во кондиција да се носи со сите надворешни предизвици.
На еднодневниот семинар учесниците ќе добијат подлабоко разбирање за ургентноста од практикувањето на балансиран екстерен и интерен маркетинг насочен кон надворешната публика и вработените, за потребата од негово усогласување со екстерниот маркетинг, за моделите и функционалноста, како и планот (темплејт) за примена на стратегијата за интерен и екстерен маркетинг. Особено е важна оваа дисциплина во компаниите од областа на ИКТ-индустријата и останатите динамични индустрии. Ќе биде допрена и формата гејмификација како напреден модел на комуникација.
 
Прашања кои ќе бидат одговорени за време на семинарот:

- Зошто е потребно спојување на надворешните и внатрешните комуникации во еден систем?
- Кои се функционални алатки и модели на интерен и екстерен маркетинг?
- Во кој оддел припаѓа оваа дисциплина и кој точно ја работи?
- Медиуми за интерен маркетинг и екстерен маркетинг;
- Гејмификација како модел на комуницирање;
- Кампањи и проекти за интерен маркетинг и рекламен рекрутмент;
- Како се синхронизира интерниот маркетинг со екстерниот;
- Како да се води ефикасна интерна комуникација; 
- Како да реализирате успешен проток на документи;
- Зошто Стандардизацијата е неопходна за успешна комуникација; 
- Да дознаете дали е потребно да водите интерни обука и за што;
- Причини за мотивирање на вработени;
- Начини за мотивирање на вработени;
- Очекувани резултати од мотивирани вработени.
 
ПРОГРАМА:

- Разбирање на екстерниот маркетинг: функција, алатки и модели;
- Форми и елементи на интерен маркетинг;
- Усогласување на екстерен маркетинг и интерен маркетинг со внатрешната структура и систем;
- Усогласување на интерниот маркетинг со екстерниот маркетинг;
- Рекламирање за регрутирање;
- Гејмификација;
- Медиуми и таргетирање на внатрешна публика;
- Интерен маркетинг план;
- Инструментите кои овозможуваат подобра интерна директна комуникација;
- Поголема транспарантност сектор / човечки ресурси / спроведување на активностите;
- ИСО Стандардизација во човечките ресурси;
- Причини за мотивирање на вработените;
- Начини за мотивирање на вработените;
- Резултати од мотивирани вработени.

Придобивките на компаниите и организациите кои применуваат современи маркетинг комуникации:

- Подобрување на односот на компанијата со надворешната публика;
- Подобрување на имиџот на компанијата;
- Одлични комуникации со таргетираната јавност;
- Подобрување на статусот на префериран работодавач;
- Подобрување на продажните резултати;
- Зацврстување на позициите на пазарот;
- Синхронизирање на маркетинг комуникациите со останатите деловни процеси;
- Подобро планирање и контрола врз реализација на кампањите (внатрешни и надворешни);
- Среќни и лојални вработени;
- Стекнување со сигурност и самодоверба при интерната комуникација;
- Градење на одлични менаџери / транспарентни, одлучни, решителни;
- Стекнување со раководители со моќ на одлучување;
- Задржување на лидери со принципи;
- Формирање сектор на човечки ресурси / правилно раководење со истиот;
- Мотивација на вработени, начини, причини, резултати.


Предавачи:

-д-р Љупка Наумовска, експерт, професор и претприемач. Нејзиниот експертски и бизнис фокус е ориентиран кон маркетинг комуникациите, попрецизно кон односи со јавноста, бренд менаџмент, интегрирани маркетинг комуникации и интерен маркетинг. Таа е основач и директор на „Ханибиз“ – Агенција за маркетинг и ПР комуникации каде активно води проекти и кампањи за домашни и странски организации од повеќе индустриски области: технологија, храна, медицина, трговски центри, едукација, мода и автомобилизам. Истовремено е консултант на ЕУ-проекти во делот на комуникации, бренд менаџмент и односи со јавност.
На академско ниво, Наумовска е доктор на науки во областа на маркетинг комуникациите и доцент по група предмети од областа на комуникации на Универзитетот за туризам и менаџмент во Скопје.
Во невладиниот сектор е присутна преку постојан активизам во организации за подобрување на родовиот баланс, како и развој на стартап и микростопанството. Паралелно е активна во бројни проекти од општествено-одговорна природа насочени кон категоријата загрозени деца од социјален и здравствен аспект. Најголема професионална амбиција и` е интеграцијата на социјалната одоворност со маркетинг комуникациите, додека на академско ниво е насочена кон мултидисциплинарни истражувања кои обединуваат маркетинг кон деца и дигитални медиуми;

- проф. д-р Гордана Петрушевска, експерт и менаџер. Д-р Петрушевска своите магистерски студии ги завршува во 2003 година, на Шефилд Универзитетот во Солун, на тема: „Тимско работење и активности за организрање на успешни проекти“. Своите докторски студии ги завршува на Универзитетот за Мир на Обединетите нации во Белград, во 2012 година, на тема: „Позиционирање на производи во услови на криза“. На академско ниво, д-р Петрушевска, меѓу останатите предмети предава: Меѓународна економија, Меѓународна трговија, Развивање на нови производи, Односи со јавност итн. Нејзиниот експертски и менаџерски сегмент го започнува на „Скопски саем“ како организатор на домашни саемски манифестации, продолжува со организација на меѓународни саемски манифестации во земјата, како и организирање учество на домашните компании на меѓународни саемски манифестации. Кариерата на „Скопски саем“ ја завршува како генерален директор, со многубројни признанија од областа на комуникациите, продажба и внатре компаниските односи.

За сите учесници на семинарот ќе биде обезбедено:
- работен материјал;
- ручeк и освежување;
- сертификат за присуство на семинарот.

Рок за пријавување: 23.5.2019 година.

Агенда на настанот Пријавен лист

Контакт лица:

Анита Митревска
++ 389 2 3244057

Михајло Донев
++ 389 2 3244067

Стопанска комора на Македонија,
ул. „Димитрие Чуповски“ бр. 13,
1000 Скопје
Контакт центар: (02) 15015

КАЛЕНДАР НА НАСТАНИ

Бизнис средби, 09.06.2020
Он-лине Б2Б средби на тема: „Жените и мажите во градежниот сектор во Дунавскиот регион и пошироко: Соочување со новите предизвици“
Семинар, 11.06.2020
УПРАВУВАЊЕ СО СТРЕСОТ
Семинар, 17.06.2020
ДИЗАЈН НА ЕФИКАСНА ОРГАНИЗАЦИСКА ЛОГИСТИКА
Работилница, 18.06.2020
ИНТЕРНИ МЕРКИ ЗА СПРАВУВАЊЕ СО ЕФЕКТИТЕ ОД ОГРАНИЧУВАЊЕТО ИЛИ ПРЕКИНОТ НА РАБОТНИОТ ПРОЦЕС
Работилница, 24.06.2020
ОНЛАЈН АЛАТКА ЗА ЕФИКАСЕН РАЗВОЈ НА ЧОВЕЧКИОТ КАПИТАЛ НА КОМПАНИИТЕ
Семинар, 25.06.2020
ЕМОЦИОНАЛНО ИНТЕЛИГЕНТНО ЛИДЕРСТВО ЗА ВРЕМЕ НА ПАНДЕМИЈА
Семинар, 26.06.2020
ОТСУСТВО ОД РАБОТА СО НАДОМЕСТОК НА ПЛАТА
Семинар, 29.06.2020
ПРАКТИЧНА ПРИМЕНА НА ЕКСЕЛ (ФОРМУЛИ, ФУНКЦИИ, ПИВОТ ТАБЕЛИ И КОНТРОЛНИ ТАБЛИ) СО ПРИМЕРИ ВО МАГАЦИНСКОТО РАБОТЕЊЕ
Семинар, 02.07.2020
ОРГАНИЗАЦИЈА И РЕАЛИЗАЦИЈА, НА РАБОТЕЊЕТО ВО ПИСАРНИЦАТА, УПРАВУВАЊЕ СО СПИСИТЕ И АКТИТЕ ВО СОГЛАСНОСТ СО ПОТРЕБИТЕ НА ОРГАНИЗАЦИЈАТА
Конференција, 16.09.2020
КОНФЕРЕНЦИЈА И МЕЃУНАРОДНИ ДЕЛОВНИ СРЕДБИ - ЕЕН, 16-18 септември 2020 година, во Сараево, Босна и Херцеговина