Во Веро има доволно залихи од сите производи, потрошувачите не треба да се грижат
👁 Прочитано: 3104



Во Веро има доволно залихи од сите производи, потрошувачите не треба да се грижат

Веро маркетите имаат доволни залихи од сите прехранбени производи и средства за дезинфекција и лична хигиена, така што не треба да се создава паника меѓу потрошувачите дека може да се појави недостиг од одредени производи, соопштуваат од компанијата „Веропулос”.

– Будно ја следиме дневната побарувачка на производи во нашите маркети и сме во постојан контакт со добавувачите за набавка на нови количини, така што потрошувачите воопшто не треба да стравуваат дека може да снема одредени производи во нашите маркети – истакнуваат од менаџментот на Веро.

По потврдувањето на првиот позитивен случај од коронавирусот во Македонија, во сите Веро маркети е забележано зголемување на бројот на потрошувачи, како и зголемување на потрошувачката на одредени категории производи како што се брашно, масло, тестенини, конзервирана храна, тоалетна хартија и средства за дезинфекција.