Здружението за трговија ги обединува и артикулира интересите на правните субјекти кај кои преeтежна дејност е трговијата на големо или мало. Кај овие субјекти застапен е целокупниот асортима на стоки и дел од услугите. Членките во здружението имаат можност согласно своите потреби и интереси да формираат постојани организациони форми преку кои ќе ги идентификуваат, дефинираат и сублимираат специфичните интереси.
Целта на ова Здружението е да се изградат стабилни и продлабочени партнерски односи со надлежните државни органи и институции. Соработката и партнерскиот однос, дава можност за проактивна превенција во донесувањето и спроведувањето на законската и подзаконската регулатива. Ваквата соработка резултира со зголемена ефикасност, добра стопанска клима, континуран пораст на квалитетот и економски просперитет. Реактивниот пристап во минатото се покажа како штетен за субјектите во сите сегменти од работењето. Стремежот за воспоставување на вистинска соработка се темели на постоењето на вистинско партнерство и ако се решаваат проблемите идентификувани од партнерите. Придобивките од партнерскиот однос треба да бидат взаемни.
Воспоставувањето на постојани институционални меѓусебни врски и комуникација е предуслов за изградба на свест за припадност на секој од субјектите на еден систем на вредности и цели, а тоа е севкупен економски раст, просперитет и интеграција во светскиот економски систем.
Контакт адреса :
Стопанската комора на Македонија
ул. Димитрие Чуповски, 13
1000 Скопје | Контакт лице : Митко Митевски
Тел: (02) 3244015 Факс:(02) 3244088
Call Центар : (02) 15015
E-адреса: mite@mchamber.mk |