Почитуван г-не,

Членството во Комората се одредува врз основа на Одлука на Собранието на Стопанската комора (Одлука).
Интервалот на плаќањето на членарината е месечно, или според договор може да биде и на подолги интервали (на неколку месеци итн).
Фирмата-членка може да учествува во работата на телата на Комората, а притоа добива повеќе бенефиции (линк).

Да, во Комората може да се организира презентација по барање на македонските или странските компании, со претходно договарање околу начинот како тоа ќе биде изведено.
За повеќе информации може да се обратите до вработенито задолжен за изнајмување на сали, опрема за презентации и друга логистичка опрема
Домника Шапчевска, админ. референт
тел: +389 (02) 3244066
E-mail: domnika@mchamber.mk

Почитувани,

Издавање, едвиденција и контрола на баркодови во Република Македонија го врши GS1 Македонија (http://www.gs1mk.org.mk). Само таа институција е со дозвола за оваа работа, и таа е овластена од светската организација GS1.

Стопанската комора беше основач на GS1 Македонија, откако во 2010 година оваа институција премина во самостојно функционирање.

Почитуван г-не,
Стопанската комора на Македонија, како асоцијација на компаниите, по иницијатива на консултантските фирми од Македонија, има формирано Групација за деловно-консултантски менаџмент. При оваа групација можете да се обратите до фирмите-членки и притоа да добиете помош и стручна анализа за можните бизнис-планови на Вашата компанија, како и помош во изработка на истите. Повеќе контакти можете да добете при директорката Јадранка Аризанковска, тел: (02) 3244038.

Почитувани,
Ве информираме дека Регионалните канцеларии со седиште во Битола, Прилеп и Кочани, имаат дозвола за да издаваат сертификати за потекло на стоката (конкретно Origin & FormA). Процедурата за издавање на сертификатот е иста како и во Скопје, а повеќе детали има на веб-порталот на следната адреса: http://www.mchamber.mk/default.aspx?lId=1&mId=49

Почитуван г-не Џалев,

Стопанската комора на Македонија ги издава документите Certificate of Origin, и конкретно за Вашето барање можете да се обратите до Јагода Дабевска, тел: (02) 3244073, e-mail: jagoda@mchamber.mk, или до Лазе Ангелевски, тел: (02) 3244090, email: laze@mchamber.mk.

Исто така повеќе информации можете да добиете на следниот линк: http://www.mchamber.mk/default.aspx?lId=1&mId=49

Почитуван г-дине Никола,

АТА-карнет Ви е потребен за секој привремен извоз од Македонија, заради евиденција на царинската контрола дека инструментите се привремено извезени од Македонија и повторно, во истата состојба ќе бидат вратени назад во Македонија. Исто така, бидејќи патувате со автобус, ќе Ви бидат обезбедени листови за транзит преку Србија и Хрватска.

Ве поканувам да дојдете во Комората, на мезанинот во Вашата бизнис Канцеларија. Се што е потребно во врска со документите ќе Ви биде објаснето.

Проблематиката во врска со инспекцискиот надзор во патниот сообраќај е регулирана со Законот за превоз во патниот сообраќај (Сл. Весник на РМ бр. 68/2004 и 127/20070). Согласно член 87 од Законот, Инспекцискиот надзор го врши Државниот инспекторат за транспорт при Министерството за транспорт и врски, преку државни инспектори за патен сообраќај. Инспекцискиот надзор на ниво на општина го вршат овластени инспектори за патен сообраќај на општините, односно на Градот Скопје. За државен инспектор, како и за овластени инспектори на ниво на општина, однсно на Градот Скопје, може да се назначи дипломиран сообраќаен инжинер со најмалку две години работно искуство во струката.

Поконкретни одговори во врска со оваа проблематика може да се добијат во Државниот инспекторат за патен сообраќај при Министерството за транспорт и врски (www.mtc.gov.mk)

АТА-карнетот може да се користи практично за сите стоки наменети за лична или професионална употреба, особено за трговски мостри, стручна опрема, саемски и изложбени експонати.
Со помош на АТА-карнет привремено се увезува стока за широка потрошувачка: компјутери, алати, камери, видео и канцелариска опрема, облека, слики, ласери, индустриски и земјоделски машини и алати и сл...   

При Стопанската комора на Македонија постои Постојан избран суд - Арбитража, како независен орган, кој може да решава за меѓусебните деловни спорови меѓу членовите на Комората, меѓу членови на Комората и трети лица, како и меѓу други правни лица од земјата и странство, ако странките ја договорат надлежноста на овој суд.

Одлуките на Постојаниот избран суд - Арбитража се конечни и имаат сила на правосилна пресуда.

Постојаниот избран суд - Арбитражата ги донесува одлуките во многу побрза постапка отколку што тоа е можно во постапка пред редовните (државните) судови.

Постојаниот избран суд - Арбитража може да посредува и за спогодбено решавање на споровите што произлегле од деловните односи меѓу странките(медијација).

За договарање на надлежноста на Арбитражата за решавање на евентуалните спорови меѓу деловните партнери, се препорачува во договорите да се внесува следнава клаузула:

"Сите спорови кои ке произлезат од овој договор или во врска со него, вклучувајќи ги споровите за неговото толкување или полноважност, ќе се решаваат спогодбено.Ако спорот не може да се реши спогодбено, истиот ќе се решава пред Постојаниот избран суд- Арбитража при Стопанската комора на Македонија, во согласност со одредбите на Правилникот на Постојаниот избран суд- Арбитража."

Регистрација на трговска марка се врши во Државниот завод за индустриска сопственост. Јас препорачувам заштитата на трговската марка да ја извршите преку овластен застапник за заштита на права од индустриска сопственост. Во  Државниот завод за индустриска сопственост можете да побарате листа на овластени застапници за заштита на права од индустриска сопственост и да одберете едно од наведените лица. Доколку сакате сами тоа да го сторите, обратете се во Заводот да Ве информираат кои документи се потребни, а можете да се информирате и од веб-страницата на Заводот која е дадена подолу.

За започнување на постапката се поднесува пријава за заштита на трговската марка која содржи:

1. барање за признавање на правото на трговска марка на образец ДЗИС-ТМ1 на А4 формат, во три примероци;
2. изглед на знакот за кој се бара заштита во три примероци;
3. список на производи и услуги за кои се бара заштита согласно Договорот од Ница за меѓународна класификација на производи и услуги за регистрирање на трговски марки (во натамошниот текст: Меѓународна класификација), во три примероци.

Други состојки и прилози кон пријавата

1. општ акт за колективна трговска марка, односно правила за користење на сертификатна трговска марка, ако пријавата се поднесува за колективна, односно за сертификатна трговска марка;
2. овластување на застапникот, ако пријавата се поднесува преку застапник
   доказ за правото на првенство, согласно членовите 134 и 135 од Законот, ако е побарано;
3. доказ за платена такса

Податоци за контакт на Државниот завод за индустриска сопственост:

Ул. Вељко Влаховиќ 11 , 1000 Скопје
тел: 389 2 3116 379
факс: 389 2 3137 149
Web: www.ippo.gov.mk

Стопанската комора на Македонија нема надлежности за верификација на дипломи за високото образование.

Надлежна институција за наведените дипломи и нивна верификација (нострификација) е Министерството за образование, каде постои служба за нострификација на дипломите за високото образование.